“तू मला आधी का नाही भेटलास?” म्हणत हृता दुर्गुळेने ‘या’ मराठी अभिनेत्याबरोबरचा फोटो केला शेअर

मराठीसह हिंदी सिनेसृष्टीत आपल्या सहजसुंदर अभिनयाची छाप उमटवणारी सोज्वळ अभिनेत्री म्हणजे हृता दुर्गुळे. हृताने कधी दुर्वा, कधी वैदेही तर कधी दीपू म्हणून प्रेक्षकांच्या मनावर अधिराज्य गाजवलं. त्यानंतर हृताने मोठ्या पडद्यावर पाऊल ठेवलं. तिने ‘अनन्या’ चित्रपटाच्या माध्यमातून मराठी सिनेसृष्टीत पाऊल ठेवलं. मग तिने ‘टाइमपास ३’, ‘कन्नी’ यांसारख्या चित्रपटात झळकली. मालिका, चित्रपट करताच दुसऱ्या बाजूला ती रंगभूमी पण गाजवतं होती. ‘दादा एक गुडन्यूज आहे’ हृताच्या या नाटकाला प्रेक्षकांचा उदंड प्रतिसाद मिळाला.